„Моите деца ги сакам помалку сега кога се тинејџери - Зошто се чувствувам така?“

„Ми недостигаат деновите кога моите деца ми даваа безрезервна љубов, но уште повеќе од тоа ми недостига времето – кога беа лесни за сакање. Сега ми превртуваат со очи и ми даваат саркастични коментари...“

Клер О'Рајли (45) од Велика Британија е мајка на 3 деца, која за магазинот „TheSun“ отворено проговори за работите кои ја мачат во поглед на мајчинството.

Нејзината исповед гласи:

„Кога мојата 14-годишна ќерка минатата седмица ми кажа дека од мене ѝ се ежи кожата, убаво знаев дека не станува збор за комплимент, туку напротив.

Знам дека ми даде знак дека од мене добива силно чувство на одбивност поради моето однесување и начин на кој ја третирам.

Се загрижив како го поттикнувам ова чувство кај неа, па ја викнав да прошетаме на воздух и ја потсетив дека порано ме сакаше толку многу, што ме следеше дури и кога одев во тоалет.

Таа не го двоеше погледот од телефонскиот екран и едвај погледнуваше во мене, но забележав дека превртува со очите на моите забелешки.

И покрај тоа што со неа имав минато 68 часа во породилни болки и што сè до овој миг верував дека тоа што станав мајка е всушност најдобрата работа што сум ја направила во животот.

Ми недостигаат деновите кога моите деца ми даваа безрезервна љубов, но уште повеќе од тоа ми недостига времето – кога беа лесни за сакање.

Ах, таа златна ера на прегратки и сонливи очиња и заспивање во моите раце, сега е заменета со превртување на очи и саркастични коментари.

На многу места наидов дека најтешко е да се биде родител кога детето има 15 години и комплетно се согласувам.

Нашите тинејџери секојдневно нè туркаат до точка на пукање, што ми прави да ми биде тешко да ги сакам како порано, кога беа толку прекрасни и лесни за сакање, а јас им бев центар на универзумот.

Мојата ќерка се срами нејзините пријатели да ја видат со мене, а син ми ме предупредува да прекинам да му испраќам глупави видеа на социјалните мрежи.

Ах, а порано им бев омилената личност на светот.

Ќе излажам ако не кажам дека длабоко во себе не се прашувам како мојата љубов кон нив успеа да се промени.

Продолжува на следната страница...