5 искрени детски реакции кои ќе ве насмеат до солзи

„Мојата мала ќерка го разгледуваше нашиот свадбен албум и се воодушевуваше на венчаницата, тортата, на фотките од првиот танц. Но, во еден момент го затвори албумот, го тресна на земја и луто ме праша: ‘Зошто јас не бев поканета?“.

Децата понекогаш прават работи на кои ние, возрасните, нема ни да помислиме.

Нивната спонтаност и искрени реакции се понекогаш толку непредвидливи, што ќе нè насмеат до солзи и нема да знаеме што да направиме во тој момент.

Од спонтани коментари, до нивните најголеми детски проблеми, ова се 5 симпатични детски реакции, кои ги споделија корисниците на „Редит“:

„Со мојата 5-годишна ќерка отидовме на гости кај една пријателка. Додека ние пиевме кафе, ќерка ми си играше со синот на пријателката.

Во еден момент децата дојдоа и ни кажаа дека си „играат сопруг и љубовница“.

Ја прашав ќерка ми дали знае што значи зборот „љубовница“, а таа рече: ‘Да, тоа е жената што мажот ја сака’.

Шокирана од нејзиниот одговор ја прашав што е тогаш сопругата. Таа само трепна и со самодоверба ми рече: ‘Па, сопругата е некој што готви, пере чисти...’.

Уште не можам да се соземам од нејзиниот одговор“.

„Ми требаат два часа да ја заспијам ќерка ми, а на сопругот тоа му успева за 30 минути.

Еден ден ја прашав зошто веднаш заспива со него, а со мене не сака, туку продолжува да си игра.

Нејзиниот одговор е пресмешен: ‘Мамо, си го слушнала тато како пее? Толку е лош, што веднаш ми се приспива’“.

„Мојот 5-годишен внук секој ден береше цвеќе од градината и ѝ ги даваше на неговата „девојка“ која живееше неколку куќи понатаму.

Си мислевме дека е сладок, прво детско додворување и ни беше забавно. Еден ден дојде и ни кажа дека веќе нема да ѝ носи цвеќе.

Кога го прашавме зошто, неговиот одговор беше: ‘Рече дека моите цвеќиња ѝ прават алергија’. Толку од детската романтика“.

„Мојата 5-годишна ќерка го разгледуваше нашиот свадбен албум и се воодушевуваше на шминката, венчаницата, тортата, на фотките од првиот танц.

Но, во еден момент го затвори албумот, го тресна на земја и луто ме праша: ‘Зошто јас не бев поканета?’“.

„Пред некој ден отидов да ги видам сестра ми и внуците.

Мојата помала внука седна до мене, со блок и боички и почна да црта.

Сите луѓе што ги нацртала се зелени, па ја прашав дали се вонземјани.

‘Немав боичка во боја на кожа, па сега сите мора да бидат Шрек’ - ми одговори таа“.

А. Ј. | Црнобелo