9 работи кои секој родител на тодлер мора да ги прочита

Тодлерите често знаат да бидат преинтензивни, па ги нарекуваме ужасни, разгалени, па дури и на моменти неподносливи. А всушност тие се само мали луѓе кои го учат светот за првпат. Работи кои секој родител мора да ги знае за нив...

Џесика Вандервиер од Канада е лиценциран психотерапевт, мајка на три деца и основач на платформата „Nurtured First Parenting“.

Таа е позната по нејзиниот пристап кон родителството заснован на емпатија и длабоки психолошки анализи.

Преку својата работа, Џес им помага на родителите да ги разберат и поддржат своите деца, особено во предучилишната возраст, со фокус на емоционалната интелигенција, регулирањето на емоциите и градењето на здрави семејни односи.

Џес е активна на социјалните мрежи, каде што споделува практични совети за поддршка за родителите.

Таа сега дава корисни совети за периодот кога децата се во фаза на тодлери.

Тодлери се мали деца на возраст помеѓу 1 и 3 години.

Taa вели: „Како психотерапевт и мајка на три деца, еве неколку работи што сакам сите да ги разберат за малите деца (тодлери)“:

Малите деца гледаат во вас како пример за однесување.

Ако вие викате и тие ќе викаат, уште повеќе. Но, ако им ја покажете вашата смиреност, ќе видите повеќе смиреност и од нив.

Малите деца имаат тантруми затоа што нивниот мозок сѐ уште не знае како да ги регулира емоциите.

Тие не се „лоши“, туку едноставно немаат вештини сами да се смират.

Единствениот начин на кој малите деца учат нови вештини е преку вежбање додека се смирени, заедно со вас.

Казнувањето е бескорисно. Ако сакате да го научите вашето дете да го допира бебето со нежни раце - вежбајте го тоа заедно.

Малите деца имаат потреба од игра.

Играта е нивниот начин да го поминат денот, да учат како да решаваат проблеми и да го разберат светот околу себе. Играта МОРА да биде приоритет за малите деца.

Малите деца имаат длабока потреба да се чувствуваат видени.

Самата радост за нивното присуство или играње на нивната омилена игра значи сѐ за нив.

Постојат чувствителни деца кои почесто ќе имаат тантруми.

Тие полесно се преоптоваруваат и им е потребен повеќе одмор и пауза. Тоа е сосема во ред.

Работете заедно со вашето дете на неговиот темперамент.

Малите деца понекогаш можат да ве преоптоварат затоа што тешко ги контролираат емоциите.

На пример: ако сакаат да го бакнат бебето на вашата пријателка, едноставно не можат да се воздржат.

Малите деца имаат потреба од одмор.

Одмор не значи само спиење, туку и можност да постојат без барања, обврски и стимулации. Здодевните денови се одлични за малите деца.

Малите деца често имаат лоша репутација дека се разлигавени.

Често ги нарекуваме ужасни, разгалени, па дури и на моменти неподносливи. А всушност тие се само мали луѓе кои го учат светот за првпат.

Покажете милост и разбирање кон вашето дете, а и кон себе...

С. С. | Црнобело