„Не, сине, ништо не ми должиш, оди слободно по својот пат (нека не те плаши мојата старост)“

Не, сине, ништо не ми должиш.

Ова е приказна на секоја мајка која сака безусловно...

Оној ден кога животот ќе те одведе од мене, сакам да одиш полека, без окови и без чувство на вина, без помисла дека нешто ми должиш.

Јас ти дадов живот, да, но тоа беше мој избор, бидејќи од тој миг кога дознав за твоето постоење, одлучив да те сакам со целото свое срце.

Те хранев, се грижев за тебе, те прегрнував во тие денови полни умор и бескрајни непроспиени ноќи и иако многумина тоа ќе го наречат жртва, за мене беше дар.

Најголемиот дар кој животот ми го даде.

Кога ќе пораснеш и ќе тргнеш по својот пат, биди среќен и не врти се назад со чувство на вина.

Не плаши се да ме оставиш, не мисли дека мора да ми го вратиш времето што сум ти го посветила или непроспиените ноќи.

Сè што направив за тебе, би го направила уште 1.000 пати.

Единствено што сакам е да бидеш слободен.

Да живееш интензивно, да сакаш онака како што сакаш да сакаш, да трчаш кон своите соништа, без окови,

А, кога ќе помислиш на мене, тоа да не ти биде товар, туку сила.

Ако еден ден видиш како стареам, сети се дека таков е животот.

Јас своето го проживеав, а сега ти имаш свое за живеење.

Мајчинството не е договор, ниту долг, тоа е бескрајна љубов која не бара ништо за возврат.

С. С. | Црнобело