„Ќерка ми трпеше болка во стомак за да не нè загрижува – заврши на итна операција со пукнато слепо црево“

Исповед на мајка од Србија со моќен апел до родителите: „Итна операција, без најава што се случило. Ја болеше стомак. Со денови... Таа трпеше болка долго, а потоа ја видов дека се движи бавно и не може да се исправи – ја однесовме во болница. Нема поголема казна. Родители, набљудувајте ги децата!“.

Ивана Мијиќ е мајка од Србија која има 4 деца, а на Инстаграм редовно го споделува секојдневието со нив.

Цело семејство се вљубеници во патувања и авантури на отворено, а посебно го сакаат летото поминато на грчките плажи.

Сега, таа сподели исповед за една непријатна ситуација која ја имале со најстарата ќерка, а како апел за другите родители да внимаваат и да не им се случи истото или полошо.

Нејзината исповед гласи:

„На денешен ден пред 4 години, седев пред операционата сала во која беше моето најстаро дете. Итна операција, без најава што се случило.

Ја болеше стомак. Со денови... под папокот, така го опиша тоа. Трпела болка бидејќи за неа била поднослива, а на скала од 1 до 10, била 12.

Молчела затоа што сите бевме загрижени за претстојната операција на нејзината помлада сестра. И трпела... а потоа ја видов.

Видов дека се движи бавно. Дека не може да се исправи. Отидовме во болница.

Времето поминато пред таа операциона сала е најголемата казна за секој родител. Нема поголема.

Руптура на слепо црево. Со денови одела со содржината од слепото црево замотана во стомачната марамица... и молчела.

Мислела дека е воспаление на стомачни мускули од теретана.

Родители, набљудувајте ги децата. Некогаш молчат и трпат преголеми работи. А некогаш тоа може да ги чини живот.

Ена, среќен нека ти е денот кога се роди по вторпат!“

Повеќе забавни видеа од семејството на Ивана:

М. М. | Црнобело