10 Работи за родителството кои ќе ги сфатите откако ќе ги преживеете

Пред да станете родители сигурно сте добиле разни совети, сте прочитале многу книги, статии и дури сметате дека сте подготвени за тоа, но размислете уште еднаш.

Да се биде родител значи да се започне патувањето на животот, а во текот на тоа патување ќе ги научите најважните работи за кои до сега само сте слушале.

Овие работи ќе ги сфатите дури откога ќе станете родители:

1. Фразата „спие како бебе” е најголемиот оксиморон на сите времиња. Бебињата можеби спијат почесто, но вие сигурно не сте навикнати да дремнувате половина час во текот на ноќта.

2. Дури и најдобрите деца понекогаш се лоши. Но, тоа со текот на време ви станува јасно, бидејќи истото се однесува и воопшто за возрасните.

3. Нивниот карактер ќе ве изненади. Никогаш не знаете што да очекувате од вашето дете.

4. Нивните работи ќе бидат насекаде низ домот. Не можете да го запрете хаосот, единствено можете да се обидете да го контролирате.

5. Дури и кога сте на одмор, вие никогаш не сте на одмор. Ако имате среќа можеби ќе успеете да отидете некаде сами на викенд, но сепак најголемата одговорност е кај родителот и таа одговорност трае 24/7.

6. Врската помеѓу вас и партнерот/ка сепак ќе се смени. Колку и да ви кажуваат дека ништо нема да се промени, сепак не е така, но тоа не значи дека ќе биде лошо.

7. Без разлика на било што, секогаш ќе сакате да ги заштитите. Колку и да се обидувате да се промените, тоа нема да се случи, бидејќи секогаш ќе бидете заштитнички насторени кон вашето малечко.

8. Невозможно е да се преговара со дете. Ќе пробате. Нема да успеете и тоа е во ред.

9. Ќе сфатите дека сѐ што ви зборувале било залудно. Вашето бебе е единствено и не е како останатите бебиња, па со тек на време вие самите станувате експерти и се справувате во ситуацијата, без додатни совети.

10. Успехот се состои во волјата. Вашето бебе наполнило 1 година, а вие се чувствувате како уште да не знаете ништо. Тоа е така бидејќи како што расте вашето дете, така и вие созревате како родител.