Исповед на мајка со 5 деца: Вие го нарекувате хаос, а јас семејство

Имаме 5 деца на возраст од 11 месеци до 11 години и за нас многу работи се променија во текот на животот. Моравме да го обновиме целиот наш дом, само за да направиме голема кујна во која сите заедно ќе ручаме...

Иако често добиваме пофалби и комплименти што сме одлучиле да бидеме големо семејство, сепак во последно време сѐ почесто има и такви кои без влакна на јазикот нѐ нарекуваат „хаос”.

Но, ништо не ме нервира толку кога ќе чујам „Леле, сигурно не можеш да кренеш глава!”

Еве што имам да кажам за тоа:

1. Генерално ме нервира кога луѓето го коментираат очигледното.

2. Ако мислите дека не можам да кренам глава, тогаш зошто воопшто ми го кажувате тоа и ми го одвлекувате вниманието додека сум со полни раце работа? Стојам на каса во маркет со 5 деца кои ме прашуваат дали може да добијат чоколадо или некои играчки, а јас сѐ што сакам да направам е да платам и да излезам. Не сум заинтересирана да разговарам за моите секојдневни обврски со странец.

3. Дали мислите дека родителите со едно или две деца имаат помалку работа? Познавам луѓе кои имаат помалку од 5 деца, а работат повеќе од мене.

4. Кога ме гледате како да сум во тотален хаос само затоа што имам 5 деца, тоа е исто како да застанете до жена која купува храна за мачки и да и речете: „Имаш мачки, нели? Сигурно си многу осамена!”

Моето семејство не е забавно шоу. Ние само имаме нешто повеќе деца од една просечна фамилија.

Затоа следен пат кога ќе наидете на голема фамилија, не коментирајте и оставете ги да си ја завршат работата. Бидејќи сѐ што ќе посакате да им кажете, тие веќе го чуле, а ништо не иритира повеќе од тоа да ги слушаш одново истите работи.

Особено ако таа личност е странец, кој се меша таму каде што не му е местото.