Мојот син не си игра надвор и не чувствувам вина заради тоа

Моето дете поминува од 7 до 10 часови дневно пред екранот, наместо да си игра надвор, но јас не чувствувам никаква грижа на совест заради тоа...

Тој обожава да чита на таблет и да игра разни игри. Со моето семејство живееме во градот, па немаме двор во кој можеме да си играме заедно, токму и затоа мојот син седи дома пред компјутер.

Мислите дека треба да се чувствувам како лош родител? Јас воопшто не мислам така. Пролетта полека пристигна во нашиот град, времето е сончево и пријатно, но јас не сум со мојот син во парк бидејќи морам да седам на работа до доцна, за дома да имаме убави нешта и храна.

Освен што децата денес се постојано пред компјутер, тие имаат и премногу обврски и домашни работи кои им ги задаваат на училиште. Па наместо да си игра надвор, тој седи дома и ги завршува училишните обврски. Не е ни чудо што поминуваат толку многу време затворени дома.

Понекогаш сум благодарен што на училиште имаат 30 минутна пауза на која секогаш ги пуштаат надвор во училишниот двор.

Живееме во општество во кое е потребно навистина однапред да правиш планови за да го однесеш своето дете некаде во природа и чист воздух. Не можеме да очекуваме да отидеме некаде на викенд туку така одеднаш, како што тоа било порано кога ние сме биле деца. На родителите им е потребна поголема поддршка, како на пример почести екскурзии и програми кои ќе им овозможат на децата да уживаат во денот.

Лесно е да го обвините родителот, но обидете се да бидете добар татко или мајка, добар сопруг или сопруга во време кога целиот ден, понекогаш и викенд, ви поминува во канцеларија.