Мајка го учи 13-годишниот син: Што значи да бидеш независен?

Воспитувањето на децата знае да биде тешка работа, посебно кога 13-годишниот тинејџер започнува да се изјаснува како независна личност и го одбива авторитетот од родителот.

По долга и тешка расправија токму околу оваа тема, мајката Хејди Џонсон решила да преземе драстични мерки за однесувањето на својот син.

Се одлучила да му напише кратко писмо во кое му остава избор: сè уште да се дефинира како независна личност и да започне да плаќа сметки или да продолжи да се однесува како нејзино дете.

Еве што таа напишала:

„Драг Арон,

Ми се чини дека си заборавил дека имаш само 13 години и дека јас сум родителот, па ќе морам да те научам на тоа што навистина значи независност.

Бидејќи ми го влепи во лице фактот дека сега заработуваш пари, ќе ти биде полесно да ги купиш сите работи кои ти ги имам купено во минатото и да си ги вратиш назад.

Ако сакаш повторно да запалиш сијалица или да имаш пристап од интернет, ќе треба да ми платиш онолку колку што трошиш.

• Кирија – 430 долари
• Струја – 116 долари
• Интернет – 21 долар
• Храна – 150 долари

Исто така, ќе мора да го фрлаш отпадот секои понеделник, среда и петок, а и да чистиш со правосмукалка. Ќе треба да го чистиш твојот тоалет и сам да си готвиш храна. Ако не успееш да ги направиш сите овие работи, ќе треба да ми наплатиш дополнителни 30 долари.

Ако се одлучиш повторно да бидеш мое дете, наместо цимер, можеме одново да преговараме

Те сака,

Мама.“

Веројатно по ова добила голем број на критики, па на Фејсбук објаснила дека нејзината стратегија била успешна.

Што мислите вие? Дали нејзината стратегија била одлична или претерала?