7 начини како бебето полесно да се справи со високите температури

Секој родител знае колку е мачно да имаш мало бебе на +40 степени, да треба да го нахраниш, заспиеш, изнесеш на свеж воздух... Сето тоа е невозможна мисија кога надвор е неподносливо топло.

Помеѓу мајките секогаш се шират совети од типот „не вклучувај клима додека детето е во собата“, па затоа еден украински доктор ги побива сите митови и нуди 7 начини како безбедно да го разладите бебето во лето.

1. Одберете клима

Колку и да мислите дека вентилаторот е поблага варијанта, климата е подобар избор. Се додека внимавате на температурата и влагата, детето нема никаква штета.

2. Почитувајте ја оптималната температура и влажност на воздухот

Температурата не смее да е пониска од 18 степени, а за идеална се смета 22 степени. Влажноста на воздухот не смее да е помала од 40%.

3. Температурата треба да се намалува постепено

Ако во собата е 30 степени, тогаш мора да почнете од ладење на 28 степени, па да намалите на 26, па на 24.

4. Често проветрувајте

На 15-тина минути отворете го малку прозорот. Подобро нека навлезе топлина, па повторно да оладите, отколку цел ден да го изолирате детето од свежиот воздух.

5. Внимавајте на поставеноста на климата

Уредот не би требало да биде поставен веднаш над креветчето на бебето или столчето за јадење. Распоредете го мебелот така што под климата да нема апсолутно ништо што може да го привлече бебето.

6. Разладување со вода

Корисна работа се млаките тушеви. На 1-2 часа, истуширајте го бебето со млака вода 1 до 2 минути. Не мора да го бришете целосно, оставете малку влажност на кожата.

7. Многу течности

На децата им требаат многу течности. Давајте им вода, незасладени природни сокови, оладени чаеви, свежо овошје со висок процент на вода...

Најважно правило - Ако на родителите им е топло, на бебето му е двапати потопло. Климата не е непријател, сè додека ја користите правилно.

М. Д. | Црнобело