15 „кралски“ бонтон правила кои секое дете треба ги научи до 10 години

Пријатно е да се набљудуваат благодорничките манири на принцот Џорџ и принцезата Шарлот, зар не? А, што е со вашите малечки дома?

Убавото однесување се учи од мали нозе. Не е важно што само ретки деца имаат кралски третман како принцот Џорџ и принцезата Шарлот. 

Секое дете може да се однесува како мала принцеза или принц. Зошто?

Бидејќи така оддава впечаток на учтива, културна и пристојна личност, покажува почитување кон другите луѓе и си ја олеснува комуникацијата со околината.

Според експертката Мика Мајер, специјализирана за кралскиот бонтон, постојат важни лекции кои децата треба да ги научат веќе до десеттата година.

„Без оглед на личните цели и статусот, фините манири, љубезноста, почитувањето и социјалните вештини се изучуваат од раното доба. Никогаш не е прерано да се започне. Децата како принцезата Шарлот и принцот Џорџ, почнуваат да учат за однесувањето на маса, веднаш штом ќе можат да седнат во трпезаријата.“

Ова се „кралските“ бонтон правила кои секое дете треба ги научи до 10 години:

Правилно да го користи приборот за јадење.

Секогаш да си ја брише устата со салфетка.

Никогаш да не џвака со отворена уста.

Да каже „молам“, „благодарам“ и „извинете“.

Никогаш да не го коментира туѓиот изглед, освен ако има нешто убаво да каже.

Да не ги прекинува возрасните додека разговараат со некого.

Да не се ѕвери и да не го вперува прстот.

Не смее да им се обраќа на возрасните луѓе по име, доколку тие не му дозволиле.

Да го каже своето име додека се ракува, како и да ги претстави пријателите при запознавањето.

Да ја покрие устата кога кива или кашла.

Важно е да ја покани особата што стои сама да се придружи на групата.

Да го гледа соговорникот во очи додека зборува.

Секогаш да тропне на вратата пред да ја отвори.

Културно да одговори на телефонскиот повик.

Пристојно да се облече и среди за посебни пригоди.

 M. A. | Црнобело