Пушењето за време на бременоста го зголемува ризикот од дебелина кај дечињата

Дали знаевте дека пушењето за време на бременоста може да ја зголеми веројатноста дека вашето дете ќе биде дебело? Ова се наодите од една студија објавена неодамна во Експерименталната физиологија.

Истражувањето ги испитало потенцијалните причини за овој феномен, користејќи ткиво, кое нормално се отфрла по раѓањето.

Стапката на дебелина во детството е во огромен пораст. Покрај исхраната, вежбањето и генетиката една од причините кои придонесуваат за оваа појава е токму пушењето за време на бременоста.

Бебињата родени од мајки кои пушат цигари за време на бременоста се изложени на зголемен ризик од предвремено раѓање и ниска родилна тежина. Сепак, поновите истражувања докажуваат дека бебето е изложени на ризик од здебелување, доколку мајката пуши во текот на носењето на бебето.

Како се докажало ова?

Chemerin е протеинот кој се произведува од масни клетки и се покажало дека е присутен со повисоко ниво во крвта кај луѓето со зголемена телесна тежина.

Истражувачкиот тим испитувал парчиња од ткиво, односно кожа која се отфрла по раѓањето, како во случајот на обрежување кај машките дечиња.

Резултатите покажале дека протеинот chemerin преовладувал во многу поголема количина во ткивото кај бебињата чии мајки пушете цигари во текот на бременоста, за разлика од оние кои не пушеле.

Нема потреба да се напоменува дека пушењето цигари во текот на бременоста е исклучително лоша идеја поради толку многу фактори, нели?

(О)Милена | Црнобело