Работи што воопшто нема потреба да ги купувате пред раѓањето на вашето дете

Облека

Можеби бебешката облека е навистина слатка, но не заборавајте дека вашето бебе ќе ја носи само неколку месеци. Бебињата растат многу брзо, па во првите години најдобро е да позајмите облека или да најдете на старо.

Некои педијатри сметаат и дека ракавиците за бебиња се сосема бескорисни.

Направи за стерилизирање

Во вашиот дом нема бактерии што можат да му наштетат на бебето, па нема потреба да купувате направи за стерилизирање на шишињата и цуцлите.

Доколку сакате да ги исчистите, и врелата вода ќе ви заврши работа. Бактериите што ќе останат на шишињата и цуцлите ќе го стимулираат имунитетот на вашето бебе.

Играчки

Купот играчки нема да помогне во развојот на вашето бебе. Сосема доволно е да купите неколку едукативни играчки за бебиња и ништо повеќе.

Неретко се случува родители да купат играчка за детето што ја сакаат тие, а кога бебето не е доволно возрасно да си игра со неа, играчката сигурно ќе заврши во отпад.

Четка за коса

Кај новороденчињата се појавува себороичен дерматит кој се манифестира со лушпи на влакнестиот дел од главата. Но, педијатрите сметаат дека ова е сосема нормално и нема потреба да ги отстранувате лушпите со четка за коса.

Всушност, дерматитот може да остане и до претшколска возраст, само што не се гледа од косата.

Спирова С. | Црнобело