„Доењето ми ги уништи градите“ - Реченици што ниту една доилка не сака да ги слушне

Мајките кои дојат честопати се соочени со несоодветни прашања и изјави кои не се пријатни за слушање. 

Ова се неколку реченици што ниту една доилка не сака да ги слушне и кои воопшто не треба да ги кажувате:

„Мислиш дека бебето се најаде доволно?“

Ниту една доилка не може да знае дали бебето изело доволно, затоа што не може да добие повратна информација од него.

Затоа, мајките што дојат инстинктивно се обидуваат да разберат дали бебето добило доволно млеко.

„Дали бебето повторно е гладно?“

Бебињата не сакаат да цицаат само кога се гладни, туку и кога им е потребна блискост со мајката, кога треба да се смират и, на пример, ако не можат да заспијат. Тоа е причината зошто за мајката не постои одреден број колку пати ќе го дои своето бебе.

Мајката ќе му понуди млеко на бебето секогаш кога нејзиниот инстинкт ќе ѝ каже дека треба.

„Доењето ми ги уништи градите!“

Мајката што дои не сака да слушне негативни работи за тоа како доењето може да ѝ ги уништи градите.

Тоа е како да изгубите 20 килограми и на вашата пријателка, која исто така се обидува да ослабe, ѝ кажете: „Изгубив 20 килограми, но сега мојата кожа ужасно виси“.

Покрај тоа, истражувањата покажале дека опуштените гради се последица од бременоста, а не од доењето.

„Зарем бебето не е премногу големо за доење?“

Колку долго мајката ќе го дои своето бебе, само таа треба да одлучи. Ако некој не се согласува со неа, тоа е негов проблем.

Американското здружение на педијатри препорачува мајките да го дојат своето бебе во текот на првата година од животот и да продолжат со доењето онолку колку што сакаат.

„Ако бебето цица секогаш кога ќе посака, ќе го разгалиш!“

Бебето не може да се разгали со доењето. Некои новороденчиња цицаат на секој час, а некои на секои три часа. Нормално е новороденчето да цица помеѓу 8 и 12 (или повеќе) пати во текот на 24 часа.

Ашера | Црнобело