„За да ги однесам децата кај пријателите на базен пакувам 5 торби и се истоштувам, но вреди!“ (фото)

„5 торби и 45 минути за да спакувам сè за да појдеме кај пријателите на базен. 5 торби!!! 1 за грицки и пијалаци, 1 за нашите пешкири, 1 за пелени, крема за сончање, резервна облека, паричник и клучеви, 1 за играчки на вода, 1 за потоа да ги складирам влажните костими за капење и пешкирите.“

Холи Дигнен е мајка на мали деца, која на својот Инстаграм профил искрено споделува детали од мајчинството.

Сега таа сподели навистина емотивна и реална објава за тоа што ѝ е потребно на една мајка за да тргне со своите деца каде било.

Таа конкретно споделува што сè морала да спакува за да ги однесе децата на базен кај пријателите.

Нејзината објава:

„5 торби и 45 минути за да спакувам сè за да појдеме кај пријателите на базен, а кои ни се на само 3 минути возење со автомобил. 5 торби!!!
1 за грицки и пијалаци,
1 за нашите пешкири,
1 за пелени, крема за сончање, резервна облека, паричник и клучеви,
1 за играчки на вода,
1 за потоа да ги складирам влажните костими за капење и пешкирите.

Ова е само мал приказ на тоа што им е потребно на мајките за да одат каде било со своите деца во лето.

Овие 5 торби се приказ на умот на една мајка.

Тие покажуваат колку подготовка и време е потребно за мајката да ги направи децата среќни, колку пакување на торби на пеколно топло време. Тоа ме прикажува мене како одам нагоре надолу по скалите затоа што сум заборавила нешто кое требало да го земам со нас.

Тоа ме прикажува мене како ги ставам децата и ги складирам работите во автомобилот. Тоа ме прикажува како ги вадам децата и работите од автомобилот и носење на сето тоа во дворот на пријателите кај базенот. Потоа истото тоа за накај дома.

Тие 5 торби прикажуваат дека 4 пати го пресоблеков моето дете од костим за капење во обична облека и обратно. Зошто? Затоа што беше уморно, жедно, гладно, сакаше да оди на лулашка, сакаше да оди повторно во вода и сакаше да ја мачи мама.

Но, тие 5 торби го симболизираат и гледањето на мојот 7-годишник како плива под вода, нешто кое не можеше да го направи никогаш претходно.

Тие симболизираат како си игра со пријателите и одмора од електронските екрани. Тие го симболизираат прогресот по изолацијата од изминатата година. Тие симболизираат едно од магичните лета кои ги добивам додека моите деца се сè уште мали.

Тие 5 торби покажуваат дека мајките ќе направат сè за на нивните деца да им го дадат животот кој го заслужуваат. Тие симболизираат љубов, пот, солзи и истоштеност од мајчинството. Тие го симболизираат товарот кој ние мајките го имаме секојдневно на рамениците за да бидеме одлични во улогата.

Тие 5 торби имаат многу големо значење зад нив кое не секој може да го види, па погледнете на мајчинството низ моите очи. Тоа е диво и тешко на моменти, но дефинитивно вреди.

С. С. | Црнобело