„Ја мразев новата жена на мојот бивши маж – сега сме најдобри пријателки“

„Не ја сакав Медисон. Ниту една мајка не сака да биде заменета и мислата дека мојот син Бекам може да ја сака неа повеќе од мене ми беше неподнослива, но работите се променија, сега ја обожавам“, вели Тејлор Кол за новата сопруга на нејзиниот поранешен маж.

Тејлор Кол (27) од Јута има 3-годишен син Бекам со поранешниот сопруг Гентри. Кога за првпат по разводот тој ѝ ја претставил неговата нова девојка Медисон, Тејлор воопшто не била среќна и ја мразела. Таа дури се карала со неа кога таа прикачувала фотки од нејзиниот син Бекам на социјалните мрежи.

Но, сега таа вели дека станале добри пријателки и дека е среќна поради изборот на нејзиниот поранешен сопруг. Гентри и Медисон сега се во брак.

Тејлор открива дека тие се слушаат секој ден, одат на СПА заедно, слават празници и се консултираат во врска со грижата за малиот Бекам.

Тејлор признава дека на почетокот била заплашена дека Медисон ќе ја заземе нејзината позиција како мајка на Бекам и вели:

„Не ја сакав Медисон. Ниту една мајка не сака да биде заменета и мислата дека Бекам може да ја сака неа повеќе од мене ми беше неподнослива.

Си давав свои претпоставки каква е таа како личност и не ги гледав работите од нејзина перспектива. Не се сакавме една со друга, но не поради тоа какви сме карактерно, туку поради ситуацијата во која се најдовме.

Плус на ова влијаеше и тоа што со Гентри се разделивме многу лошо и се боревме на суд за старателството на Бекам. Тогаш не можев воопшто да предвидам дека ќе постои миг кога ние ќе бидеме пријатели. На почетокот давав сè од себе за да го избегнам, а кога ќе се видевме секогаш се каравме“.

Ситуацијата помеѓу Тејлор и Медисон добила нов тек кога Медисон ја поканила на нејзината свадба со Гентри и јасно ѝ кажала дека никогаш не била нејзина намера да му биде мајка на Бекам, туку само сака да му даде дополнителна поддршка и љубов.

Тие толку се спријателиле што сега Тејлор постојано ѝ вели на Медисон дека ако би морала таа да избере која да му биде друга мајка на Бекам, би ја избрала Медисон.

Тејлор за Медисон вели: „Таа ми е најдобра пријателка, ѝ кажувам сè“.

Инаку, Тејлор сега има и 1-годишен син од бракот со Камерон.

Медисон и Тејлор сега имаат и Инстаграм профил на кој прикажуваат како фунционираат заедно и сакаат да ги инспирираат другите.

Повеќе фотки од нивниот Инстаграм профил на следната страна...