„Посвоив дете на 49 години, пресреќна сум, но луѓето ме осудуваат за потегот - сум била престара“

„За време на мојот прв брак навистина сакав деца, но имав спонтан абортус на 38 години, потоа разговаравме за ин витро и други процедури, но во текот на процесот нашиот брак се распадна...“

Крис Монср од САД 10 години се обидувала да има бебе и доживеала два спонтани абортуси. Но, нејзиниот сон да стане мајка се остварил кога на 49 години одлучила да посвои новородено бебенце.

Таа сега има 51 година и ужива во улогата на мајка на нејзината посвоена ќерка Ејнсли, која сега има 2 години.

„За време на мојот прв брак навистина сакав деца, но имав спонтан абортус на 38 години, потоа разговаравме за ин витро и други процедури, но во текот на процесот нашиот брак се распадна.

Кога го сретнав мојот сегашен сопруг Клеј (47) брзо забременив, но повторно имав спонтан абортус. Докторот ми кажа да престанам да се обиувам затоа што никогаш нема да станам мајка.

Тоа беше голем удар за мене, но одлучив да се фокусирам на работата.

И седум години желбата да станам мајка не ме напушташе.

Во 2019-та година далечен роднина ненадејно нè праша дали би сакале да посвоиме бебенце, разговаравме и се согласивме. Бевме во болница дури и на породувањето, јас ја пресеков папочната врвка.

Официјално ја посвоивме Ејнсли во март 2020. Оттогаш сме пресреќни.

Но, за жал на социјалните мрежи се соочуваме со осуда. Луѓето ме критикуваат дека сум била престара за мајка и дека ќе сум починела пред да видам како Ејнсли дипломира или се мажи.

Ме нарекуваат себична и понекогаш навистина имам грижа дека нема да ги видам најголемите достигнувања на ќерка ми, но се трудам да живеам за мигот и да ѝ ја давам сета своја љубов. Не се каам за одлуката.“

С. С. | Црнобело