Што да правите ако вашето дете е насилник и малтретира други деца?

Иако е тешко да признаете дека вашето дете е насилник, не заборавајте дека ова не е проблем што ќе исчезне сам од себе. Затоа, како родител, вашата задача е да делувате и да направите сè во ваша моќ за да го изведете детето на вистинскиот пат.

Колку и да мислиме дека напредуваме како општество, факт е дека врсничко насилство е сè уште присутно, сега можеби и во поекстремна форма.

За да се спречи оваа појава, јасно е дека задолжителна е вклученоста и на самите родители.

На повеќето родители веројатно не би им било лесно да признаат дека нивното дете е насилник, но покрај институциите, и тие самите мора да преземете одговорност и да направат нешто.

Врсничкото насилство има разни форми и може да биде само кажување навредливи зборови, но може да биде и физичко, но и сексуално насилство. Може да вклучува и деградирање и понижување на жртвата.

Ако дознаете дека вашето дете се однесува насилно и кон само едно друго дете, важно е да реагирате и да не дозволите ситуацијата да ескалира.

Како да познаете дали вашето дете е насилник и што да правите?

Зошто некои деца се насилници?

Важно е да се напомни дека насилниците не мора да значи дека се „лоши“ деца.

„Децата се однесуваат на разни начини кои не мора да се рефлексија на нивниот карактер. Тие уште учат. Тие може да бидат и добри деца кои направиле грешки“, вели клинички психолог за Child Mind Institute.

Според психологот, постојат неколку причини зошто некое дете може да се однесува насилно кон другите деца, дури и ако самото навистина не е лошо или злобно:

- Сака да се вклопи во друштво кое веќе задева некое дете

- Самото е жртва на насилство дома или на училиште, па пробува да го врати чувството на моќ со агресивно однесување

- Бара внимание од наставници, родители или соученици кое не успеало да го добие на друг начин

- Детето по природа е поимпулсивно и подоминантно од неговите врсници

- Настојува да го гледа однесувањето на другите деца како заканувачко, дури и кога не е така

- Не сфаќа како навистина се чувствува неговата жртва – ова е особено изразено кај помлади насилници

Како да познаете дека вашето дете насилник?

Ако ве контактираат од училиштето на детето и ви кажа дека е насилник, важно е да разговарате за ова.

Немојте веднаш да заземате одбранбен став, без разлика колку ви е тешко да верувате.

Добро истражете ја ситуацијата бидејќи во многу случаи, родителите на насилниците не сакаат самите да си признаат дека нивните деца малтретираат други деца.

Исто така, постојат и некои знаци кои можат да укажуваат на тоа дека вашето дете е насилник:

• Не го гледа насилството како нешто лошо
• Се однесува агресивно кон вас и други возрасни
• Често прекршува правила
• Знае како да се извлече од лоши и проблематични ситуации
• Импулсивно е
• Брзо се разгневува
• Не покажува емпатија кон деца кои се жртви на насилство

Продолжува на следната страница...