Просечна ирска свадба чини вртоглава сума пари

Стандардот на живот во Ирска е многу повисок од нашиот, но оваа сума е навистина претерана, зарем не?

Што би сториле со 26.000 евра? Сигурно ви паѓаат многу прекрасни работи на ум, но дали би потрошиле толку пари на свадбена церемонија?

Ирците го прават токму тоа. Просечен ирски пар троши 26.015 евра за својот голем ден. Просекот е малку зголемен од минатата година кога бил 24.427 евра.

Најмногу пари Ирците даваат на ресторанот и менито и тоа околу 12.000 евра. Хотелите се најпопуларен избор, односно околу 2/3 од парови прават свадба во хотел, 19% избираат куќа на село, а 9% замок.

На просечна венчаница во Ирска се троши 1.787 евра и 726 за фустаните на девериците. Плус, 368 евра за шминка, 313 еvrа за фризура и 1.068 евра за костимите на младоженецот и кумот.

Музиката исто така е скапа ставка, па 2.019 евра чини бенд,  a 434 евра диџеј. На снимање и фотографирање на свадбата се трошат уште 2.880 евра.

На овие трошоци кога ќе се додадат останатите се добива сума од околу 26.000 евра.

Дали ова е претерано? Колку чини свадба во Македонија?

С. С. | Црнобело