Наместо луксуз во ресторан, би организирале ли свадба во McDonald's?

Дали имате храброст за ваква авантура? Некои парови се одлучуваат за нетипичен свадбен ден.

Во време кога луѓето земаат кредити и се под огромен притисок да направат раскошни свадби со стотици гости, затоа што нели што ќе речат луѓето е најважно во животот, идејата за свадба во McDonald's е вистинско освежување.

Синџирот за брзa исхрана досега има организирано четири свадби, а сега ќе ја организира и петтата, овојпат во Австралија.

Во моментов одговорните се во потрага по пар кој сака да се венча под нивното златесто „m“.

Ентериерот на McDonald's ресторанот ќе биде трансформиран соодветно за прославата. На свадбата ќе имаат можност да присуствуваат 25 гости, кои од три главни јадења од менито од синџирот за брза храна ќе може да бираат.

На церемонијата ќе има и цвеќе, декорации, прстени и свадбена торта инспирирана од McDonald's.

Одговорните во Австралија не се сомневаат дека ќе има многу пријавени за настанот.

Дали вие би имале храброст за ваков потег? Мала уникатна свадба, наместо месеци и месеци планирање и стрес за свадба во голем ресторан со стотици гости?

С. С. | Црнобело