Обвинител лажирал судење за да ја запроси неговата девојка – адвокат, со лажен судија и 17 пријатели во „порота“

Обвинител од Флорида поминал 6 месеци во планирање на лажно судење за да ја запроси во судница неговата девојка – адвокат.

Брендон Динец знаел дека ќе мора да се потруди за да ја изненади својата девојка, Џен Летман, па за запросувањето да добие на тежина, решил да направи лажно судење.

Тој поминал 6 месеци планирајќи лажно судење, а дури успеал да ангажира судија, бранител и 17 пријатели и роднини на Џен, кои ќе глумат порота.

Сè до судењето, Џен воопшто не се посомневала кога нејзиното момче ѝ рекло дека мора да дојде за да ги слушне неговите воведни зборови на судењето.

„Кога работевме заедно, редовно си ги гледавме и преслушувавме воведните зборови и си дававме критики, па не ми беше воопшто чудно да дојдам во судница со него. Не ги знаев фактите за судењето кое го измисли, а не ни прашував дополнително.“ – признава Џен.

Но, кога дошла и ги видела нејзините сакани во порота, сфатила што се случува.

„Тоа беше најголемото изненадување кое некогаш сум го имала. Тој по природа е таков и прави огромни дела, но овој пат се надмина себеси. Тој е многу внимателен и грижлив. Беше неверојатно.“ – продолжува среќната идна невеста.

Брендон во неговата романтична изјава ѝ искажал љубов на Џен, а судијата пресудил со зборовите „Г-дин Динец, осудени сте доживотно“, на што сите се насмеале и прославиле.

Погледнете го целосното видео од запросувањето:

М. М. | Црнобело