Свадбен фотограф споделува најуникатните идеи и совети за свадба – не мора да има торта, не следете слепо традиции

Пречекајте ги гостите на забавен начин, заменете ја свадбената торта со омилениот десерт и направете прослава што најдобро ве отсликува вас и партнерот.

svadben-fotograf-gi-spodeluva-najunikatnite-idei-za-venchavki-shto-gi-videl-01.jpg

Камерон Девер е фотограф чија специјалност се венчавките. На бројните венчавки што ги фотографирала, таа видела сè и сешто, вклучувајќи и навистина уникатни идеи за разни детали од свадбата.

За Insider таа ги споделува најдобрите идеи што ги видела досега:

Момент насамо за младоженците по церемонијата

Камерон вели дека неколкупати видела парови кои веднаш по церемонијата за венчање се тргале настрана за да бидат насамо.

Ова им дава можност да го „впијат“ големиот миг кој само што се случил и да си поразговараат пред да продолжат со прославата со гости.

svadben-fotograf-gi-spodeluva-najunikatnite-idei-za-venchavki-shto-gi-videl-02.jpg

Можете да ја замените тортата со нешто друго

Камерон посетила многу венчавки каде што наместо свадбена торта, имало други десерти – јагоди со чоколадо, сладолед, вафли, колачиња, банани со чоколадо, мафини...

Инспирирана од оваа идеја, за својата венчавка Камерон ја заменила свадбената торта со колачиња со цимет.

svadben-fotograf-gi-spodeluva-najunikatnite-idei-za-venchavki-shto-gi-videl-03.jpg

Пречекување на гостите на забавен начин

Наместо вообичаеното поздравување, можете да ги пречекате гостите на забавен начин.

На пример, можете да поставите тетратка во која секој гостин ќе ви остава кратка порака откако ќе влезе внатре. Или, наместо да позирате „сериозно“, правете забавна фотографија со секој гостин. 

svadben-fotograf-gi-spodeluva-najunikatnite-idei-za-venchavki-shto-gi-videl-04.jpg

Кодекс за облекување за гостите

На многу венчавки Камерон забележала дека младоженците им доставиле кодекс за облекување на гостите.

На пример, им нагласиле сите да носат одредена боја или одредено парче облека.

Камерон вели дека благодарение на ова, свадбените фотографии изгледале многу подобро.

svadben-fotograf-gi-spodeluva-najunikatnite-idei-za-venchavki-shto-gi-videl-05.jpg

Бидете свои

Камерон е убедена дека најсреќните парови се венчаат со церемонија и прослава што ги претставува нив двајцата.

Односно, наместо да следите правила и традиции кои не ви значат, направете го она што најдобро го отсликува вашиот и карактерот на партнерот.

svadben-fotograf-gi-spodeluva-najunikatnite-idei-za-venchavki-shto-gi-videl-06.jpg

Забрана за смартфони

Камерон забележала дека неретко гостите кои сакаат да фотографираат со смартфонот ги уништуваат фотографиите што ги прави таа.

На пример, додека младоженците танцуваат и таа пробувала да ги фотографира, секогаш се подавал и некој со смартфон кој на крај завршувал во кадарот на фотографијата.

Поради ова, таа смета дека е во ред да ги замолите гостите да не фотографираат со нивните телефони, или барем да му остават повеќе простор на фотографот.

svadben-fotograf-gi-spodeluva-najunikatnite-idei-za-venchavki-shto-gi-videl-07.jpg

Свадбените видеа се секогаш забавни

Камерон советува да најдете добар снимател кој ќе може да ги улови малите, но значајни моменти на венчавката и да ги склопи во краток филм.

svadben-fotograf-gi-spodeluva-najunikatnite-idei-za-venchavki-shto-gi-videl-08.jpg

Фотоапарати за една употреба на секоја маса

Овие фотоапарати работат со филм, а со еден филм можат да се направат 30-тина фотографии.

Камерон советува да оставите по еден ваков фотоапарат на секоја маса и да ги замолите гостите да фотографираат што сакаат.

На крај ќе имате забавен албум кој ја прикажува вашата венчавка од многу перспективи.

svadben-fotograf-gi-spodeluva-najunikatnite-idei-za-venchavki-shto-gi-videl-09.jpg

Спирова С. | Црнобело

Би можело да ве интересира:

Водич за идни невести – која венчаница е совршена за вас според обликот на вашето тело? Ако сте послаби и немате многу облини, ќе изгледате беспрекорно во венчаница со ...
Што да правите кога навистина не сакате да имате моминска забава? Иако има многу невести кои сакаат да бидат во центарот на вниманието, сепак има ...
Кул идеја: Како да ја носите венчаницата и по вашата свадба, наместо да собира прав? (видео) Инфлуенсерката Тејлор не сакала нејзината венчаница да стои заборавена во гардер...

Најчитани неделава

sonovnik-sidebar.jpg