Тамара Тодевска го прифати светскиот тренд „Без веѓи“, во стилот на Ким Кардашијан и Јелена Карлеуша
По Ким Кардашијан, сестрите Џиџи и Бела Хадид, Мадона и Јелена Карлеуша, Тамара Тодевска реши да го проба светскиот тренд „Без веѓи“, па воодушеви со храбриот изглед и совршената шминка.
Популарниот тренд на шминка „Без веѓи“, полека се прифаќа и кај нас, а меѓу првите што го промовираат е Тамара Тодевска.
Пејачката, која не се плаши да експериментира со изгледот, овојпат се дотера во црн корсет со светкаво палто и панталони, а сето тоа го дополни со совршени smokey eyes и скриени веѓи во стилот на светските ѕвезди.
„Повторно 'Без веѓи' за Тамара Тодевска и 'најзачаденото' црно, се разбира“, напиша на Инстаграм шминкерката Сим Салтирова, која се погрижи за изгледот на пејачката и објави неколку фотки и видеа од изгледот на Тамара.
Овој тренд на голема врата го промовираа сестрите Бела и Џиџи Хадид.
Тие се појавија „Без веѓи“ на неколку модни ревии и фотосесии.
Потоа го прифатија и Мадона, Ким Кардашијан, моделите Кендал Џенер и Никола Пелц и многу други.
Овој тренд во регионот го промовира српската ѕвезда Јелена Карлеуша, која на промоцијата на своите два нови албума, но и на фотосесиите и во спотовите е со избелени, скоро проѕирни веѓи.
А. Ј. | Црнобело
Би можело да ве интересира:
Препорачуваме
Најчитани неделава
