Како да се грижите за ноктите по маникир со гел лак (и кога треба да направите пауза)?

Маникирот со гел лак е одлична алтернатива за оние кои не сакаат гелни или акрилни нокти, а притоа трае многу подолго од обичните лакови. Сепак, мора да земете предвид некои работи ако сакате да пробате или веќе коирстите гел лак.

Иако гел лакот може да ви изгледа како одлична и подолготрајна опција за совршен маникир, сепак, тоа може да биде штетно за вашите нокти доколку не водите правилна грижа за нив.

Во денешно време не е ретка долготрајната употреба на гел лак, но сепак, имајте предвид дека потребно е повремено да им дадете одмор на вашите нокти.

На што треба да внимавате кога ќе се одлучите за користење гел лак?

Правилното отстранување е од особена важност

Непрaвилното отстранување, како што е силно гребење или лупење на лакот, може да го зголеми степенот на оштетување на горниот слој на ноктите. Затоа, обидете се нежно да ги триете ноктите со турпија и потопете ги во ацетон.

Она што треба да го имате предвид при оваа постапка е тоа што не смеете предолго да ги држите ноктите во ацетонот, зашто и тоа може да го оштети ноктот.

Сепак, најдобро е да отидете во салон за маникир и препуштете им ја работата на професионалците кои правилно и безбедно ќе го отстранат лакот.

Покривајте ги ноктите

По третманот со гел лак, вашите нокти се послаби, покршливи и понежни.

Затоа, препорачливо е да носите гумени ракавици секогаш кога чистите со хемикалии, отворате кутии, имате контакт со груби површини и слично.

Нанесете заштитен фактор

Кремовите со фактор треба да бидат дел од вашата рутинска нега на дланките.

Бидејќи гел лакот бара изложување на УВ светлина, препорачливо е да нанесете крем за сончање пред да ги ставите рацете под УВ ламбата во салонот за нокти.

Како да се грижите за вашите нокти по долготрајна употреба на гел лак?

Потопете ги ноктите во маслиново масло

Ова е еден од најевтините методи за самите да си помогнете во заздравувањето на ноктите. Потопете ги во маслиново масло и држете ги околу 10-15 минути дневно.

Ако имате сува кожа, ова исто така ќе ви биде од голема корист.

Продолжува на следната страница...