5 забавни идеи за син маникир, идеален за студените зимски месеци

Син маникир што се прелева - Хит оваа сезона е сината боја што ќе се прелева од потемни тонови кон посветли и ќе заврши со млечно бела нијанса.

Многу жени ја обожаваат сината боја, а сепак ретко решаваат да направат син маникир.

Но, сината боја на ноктите е идеална за студените зимски месеци, особено ако креацијата на самиот маникир визуелно потсетува на снег, ветер или студ.

Каков маникир во сина боја е совршен за во зима?

Син мермер

Неколку сини нијанси кои се претопуваат една со друга, во комбинација со бел и црн лак создаваат илузија на студен мермер.

Секако, сите нокти не треба (или не мора) да ви бидат исцртани во овој стил - доволно е 2-3 да бидат шарени, а останатите да бидат во светло сина боја за да го добиете посакуваниот ефект.

Син француски маникир

Класичниот француски маникир никогаш не излегува од мода.

Но, оваа сезона можете да му дадете малку поинаков изглед, ако го комбинирате со нежна нијанса на сината боја.

За уште поголем ефект можете да ставите и циркони на неколку нокти.

„Тетовирани“ нокти

Изберете нежно сина нијанса за ноктите, а потоа на нив испишете порака од еден збор (кој ќе го разложите на ноктите).

Сина боја што се прелева

Хит оваа сезона е и сината боја што ќе се прелева од потемни тонови кон посветли, и ќе заврши со млечно бела нијанса.

Маникир со сини детали

Основата на ноктите нека ви биде во млечно бела боја, а потоа на секој нокт направете различна шара со сина боја.

За повпечатлив ефект, сината боја одвојте ја од белата основа со сребрени неправилни линии.

А. Ј. | Црнобело