Краставица против црвенило и 7 трикови за убавина за секоја пригода

Елиминирајте ги мозолчињата со чај

За лесно да ги елиминирате мозолчињата од лицето и да го намалите црвенилото на местото кај што имате мозолче ви треба зелен чај, модла за мраз и чисто платнено крпче.

Сварете го зелениот чај и ставете го во модлата за мраз, па ставете го во замрзнувач.

Со коцката мраз од зелен чај поминете преку мозолчето. Загрејте го платненото крпче, па со него поминете преку местото каде што имате мозолче.

Повторете ја постапката студено - топло неколку пати и така лесно ќе се ослободите од црвенилото и од мозолчето.

Направете совршени кадрици со прстите

Кога ќе ја измиете косата, малку засушете ја, па навиткајте ја во прстите.

Ставете шнола на секое крукче што сте го направиле и оставете косата да ви се исуши природно.

Избелете ги темните кругови под очите

За овој трик за убавина ви требаат еден лист алое, сварен зелен чај, маслиново масло и памукчиња.

Исечете го листот алое, па со виљушка или нож извадете дел од природниот гел (не цел).

Во листот ставете малку маслиново масло и неколку капки зелен чај, па со виљушката или ножот, спојте ја смесата.

Ставете ги памукчињата во листот алое и кога убаво ќе се навлажнат, ставете ги врз очите.

Нека стојат така 5 минути. Кога ќе ги извадите ќе видите дека темните дамки под очите ги нема.

Меки стапала со алое

Потребни ви се листови алое, мелница и гумени чизми.

Сомелете ги листовите алое, распоредете ја смесата во гумените чизми, па внатре ставете ги стапалата. Останете така околу 15-20 минути.

Забелешка: Ако немате гумени чизми можете да користите ќеси, а врз нив да облечете чорапи за да ви биде поудобно на ногата.

А. Ј. | Црнобело