Грешки во рутината за убавина што ги правиме во лето (а можат да бидат штетни)

Дали ставате балсам за усни со фактор? А, дали имате навика да ги бричите нозете веднаш пред да излезете на сонце?

Кожата бара различна нега во зависност од сезоната – во зима е посклона на сушење, па треба да се фокусираме на хидратација, додека во лето клучна е заштитата од сонце, но и користењето продукти кои ја обвинуваат.

Сепак, дури и оние кои навистина се грижат за кожата, настојуваат да прават некои ситни грешки.

Неколку штетни грешки во летната рутина за убавина за кои треба да бидете свесни:

Нанесувате крем со фактор само еднаш

Дури и ако користите крем со највисок фактор, важно е да го нанесувате неколкупати во текот на денот.

По неколку часа, заштитата од кремот се намалува, па ако сте на сонце, важно е да ја обновите.

Доколку, пак, сте на плажа, нанесувајте по секое излегување од вода, дури и ако на кремот пишува дека е водоотпорен.

Ставате спреј за лице на нечиста кожа

Изминативе неколку години, доста популарни стануваат спрејовите за лице (познати и како face mist).

Во лето, најпопуларни се оние кои освежуваат и ја хидрираат кожата.

Но, не е препорачливо да ги нанесувате овие спрејови на нечиста кожа.

Нивната намена не е да се испрскате во текот на денот за да се разладите, туку генерално се користат како дел од рутината за нега на кожа.

Ако ги нанесете на нечиста кожа, можат да ги затнат порите поради нечистотиите и да ви предизвикаат иритација и појава на акни.

Некои спрејови може да бидат погодни за во текот на денот, но избегнувајте да ги нанесувате на неисчистена кожа ако сте склони кон акни и слични проблеми.

Не користите серум со витамин Ц

Серумот со витамин Ц го стимулира производството на колаген што може да ја намали штетата од сонцето.

Покрај тоа, овој витамин го намалува штетното влијание на УВ зраците, па во комбинација со крем со фактор нуди одлична заштита.

Истовремено, витаминот Ц го изедначува тенот на кожата.

Ги бричите нозете пред да излезете надвор

Не е препорачливо да ги бричете нозете пред да излезете на сонце.

Со бричењето кожата се иритира, без разлика каков брич и каков продукт за бричење користите.

А, кога иритираната кожа ќе ја изложите и на сонце, можете да ја влошите состојбата.

Продолжува на следната страница...