Грешки во рутината за убавина што ги правиме во лето (а можат да бидат штетни)

Погрешно ги користите стиковите со заштитен фактор

Сè попопуларни стануваат стиковите со заштитен фактор кои се наменети за лице.

Но, најдобро е да ги користите овие продукти само кога сте на плажа (или во природа) каде што воздухот е чист.

Ако сте во град, каде што воздухот доста често е загаден, не заборавајте дека честичките од воздухот завршуваат и на вашето лице.

Па, кога ќе си ставите стик, дополнително ќе ги размачкате честичките на лицето, а тие ќе завршат и на самиот стик.

А, ова може да ви ја иритира кожата.

Ја заборавате заштитата на усните

Кремовите со фактор имаат навистина лош вкус кога ќе ги нанесете на устата, па веројатно избегнувате да ги ставате на оваа област.

Некогаш и на самите кремови е истакнато да не се стават на уста.

Но, ова не значи дека треба да ја запоставите заштитата на усните. Кожата во оваа област е многу чувствителна и лесно подложна на изгореници.

Во лето најдобро е да користите балсам за усни со фактор, а ако сакате врз него можете да нанесете кармин или сјај.

Не правите пилинг на кожата

Во лето не треба да претерате со пилинг на кожата, а и не е препорачливо да го правите пред да излезете на сонце.

Но, не треба целосно да го прескокнувате.

Пилингот помага темелно да ја исчистите кожата, што во лето, кога се потиме и ставаме повеќе крем со фактор, е неопходно.

Ги запоставате стапалата

Во лето, поради високите температури и честото потење, стапалата се поподложни на развој на бактерии и секакви проблеми.

Што значи, треба да им обрнете повеќе внимание овој период.

Се фокусирате само на нега на лице

Не заборавајте да правите пилинг на телото и редовно да нанесувате лосион за да ја хидрирате кожата.

Истовремено, кога излегувате, ставајте крем со фактор и на рацете, нозете, деколтето… Односно, сите делови од телото што ви се откриени.

Спирова С. | Црнобело