Мартина Михајловска за стилот и убавината: „Не правам козметички третмани на лице, никогаш не сум облекла тренерки“

Начин на исхрана

„Кога се зборува за храната, морам да признаам дека сум голем гурман и во последно време многу често знам да ги соберам моите најблиски и да им зготвам некој специјалитет.

Главно јадам премногу овошје и зеленчук, сакам и домашна храна и понекогаш онаа брза и не многу здрава.

Колку што ми дозволува брзото темпо на живот, толку и внимавам на исхраната.

Сепак, настојувам да биде редовна и здрава.

Досега не сум се водела по строги режими и диети за исхрана, за моја среќа, и јадам буквално сè. Веројатно тоа се должи на генетиката“.

Фитнес и спортување

„Тоа потпирање на генетиката, се надевам ќе ми потрае. Па така, и околу физичката активност не сум воопшто принципиелна.

Никако не можам да излезам од удобноста и да се препуштам на фитнес рутина, посебно не во теретана.

Би сакала многу да стекнам навика, но некако тешко ми оди.

Во домашни услови практикувам кратки јога вежби за дишење и медитација кои помагаат доста во менталното и физичкото здравје.

Секојдневните активности и прошетки со моите деца ме одржуваат доста активна, па дури и повеќе од одење во теретана“.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело