Грешки во рутината за убавина што ги правиме сите (а се штетни за кожата)

Не чекате продуктите да се впијат во кожата

Дури и кога користите продукти што можат да се комбинираат, важно е да им дадете време да се впијат во кожата.

Пред да го нанесете следниот продукт, почекајте неколку минути да се впие претходниот.

Нанесувате масло на сува коса

За подобар ефект од маслото, препорачливо е да го нанесете додека косата ви е уште влажна.

Маслото ќе ја „зароби“ влагата и подобро ќе ја потхрани косата.

Секако, ако станува збор за масло кое треба да се измие, тогаш треба да го нанесете на сува коса, да го оставите да делува барем половина час, па да ја измиете косата.

Веднаш го втривате шампонот за суво миење

На шампонот му се потребни неколку минути за да ги впие мастите и нечистотиите од косата.

Затоа, оставете го малку да делува, па потоа втријте го или издувајте го вишокот со фен за коса.

Претерувате со пилинг на кожата

Пилингот е важен за кожата бидејќи темелно ја чисти.

Но, не е препорачливо да го правите секој ден бидејќи само ќе ја иритирате кожата.

Доволно е да правите пилинг два-трипати неделно.

Премногу долго ја чувате глинената маска на лицето

Глинената маска може многу да ја исуши кожата ако ја оставите да делува предолго.

Најдобро е да ја измиете пред да се исуши целосно.

Спирова С. | Црнобело