Грешки во негата на кожа поради кои имате брчки и дамки (уште во 30-тите)

Нанесувате многу од продуктите за нега

Кога е во прашање количеството од продуктите што треба да ги нанесете, секогаш следете ги инструкциите на амбалажата.

Не си правите услуга ако ставите трипати повеќе серум туку, напротив, може да си предизвикате иритација.

Користите жешка вода

Туширањето и миењето лице со жешка вода ја суши кожата и со тоа го зголемува ризикот од појава на брчки.

Идеално е да го миете лицето со млака вода.

Ретко менувате навлаки

Важно е редовно да ја менувате навлаката на перницата, особено ако имате проблематична кожа.

Навлаките се идеално место за развој на бактерии кои можат да ви предизвикаат цела низа проблеми со кожата.

Важно е и да ги перете перниците еднаш-двапати годишно.

Ги игнорирате вратот и деколтето

Ова се области што многумина ги занемаруваат. Но, и кожата на вратот и деколтето е нежна како на лицето, па важно е да водите добра грижа за неа.

Генерално, сите продукти што ги користите за лице, добри се и за кожата на вратот и деколтето.

Спирова С. | Црнобело