Направете домашен пилинг за мазна и еластична кожа

Веќе ги извадивте кратките панталончиња и здолништа кои малку повеќе ги откриваат вашите нозе, па на виделина излегуваат сите последици од зимата и мрсната храна.

Целулитот е еден од нив. Сепак, ако сакате да заблескате мора да се погрижите и за беспрекорен изглед и на кожата.

Сувата и испукана кожа потребно е да ја одржувате на посебен начин и со поголема нега. Сето тоа може да си го дозволите и во домашни услови.  Потребни ви се само 4 состојки.

Шеќерот заради пилинг и отстранување на изумрените клетки на кожата, маслиновото масло за нега и хидратација на кожата, а грејпфрутот и мајчината душица против воспаленија, ја заштитуваат кожата и ја прават мазна и еластична,

Рецепт за домашен пилинг

Потребни состојки:

• 1 мала шолја шеќер
• 2-3 лажици маслиново масло
• 10-15 капки етерично масло од грејпфрут
• 2 лажички свежа мајчина душица или лаванда

Подготовка:

Мајчината душица или лавандата ситно исечкајте ја и заедно со останатите состојки ставете ја во еден сад.

Мешајте сè заедно додека состојките не се соединат. Ако смесата е сè уште сува, додајте уште малку маслиново масло.
За време на туширањето, на влажната кожа нанесете го пилингот и со кружни движења добро истријте го телото, а посебно бутовите и задникот.

Исплакнете со млака вода.