5 начини да го сокриете целулитот ова лето

Ако летото го дочекавте неподготвени и сè уште водите битка со нерамната кожа на бутовите и задникот, тоа не значи дека ова лето ќе го поминете во долги панталони.

Постојат најмалку 5 трикови кои визуелно ќе го сокријат целулитот.

Темен тен

Ако планирате да одите на неколку свечености ова лето, најпрво добро исончајте се или користете креми за самопотемнување. Која опција и да ја одберете, погрижете се задникот и нозете да се идеално потемнети.

Светкави лосиони

Во секоја дрогерија ќе пронајдете лосион или масло со светкави честички кои успешно ги прекриваат недостатоците на кожата. Нанесете во поголема количина на критичните места, па потоа облечете ги омилените шорцеви.

Долна облека за обликување на телото

Тесната долна облека која има функција да го затегне и обликува вашето тело е секогаш најдобар избор под тесниот фустан. Многу од славните дами се горди на овој изум, па го прилагодуваат на секој свој изглед. Тогаш, зошто да не пробате и вие?

Хулахопки

Хулахопките во боја на кожата се вратија во светот на модата, па затоа искористете за да го обликувате своето тело. Одберете нијанса која речиси идентична со кожата и избегнувајте ги сјајните материјали.

Нега на кожата

Дехидрираната и сува кожа лесно ги истакнува сите несовршености, но добриот пилинг и квалитетниот лосион за тело може да направат чудо. Практикувајте пилинг 2 пати неделно, а кремата или лосионот за тело користете го секојдневно.