Брадата го открива карактерот на мажот

Се вели дека облеката не го прави човекот, но дали би можело истото да се каже и за брадата и мустаќите? Денес тие се дел од некаков тренд или имиџ, па зависно од тоа може да добиете и некакво мислење за некој маж.

За мажите може многу да се дознае само ако се погледне нивната брада или нивните мустаќи.

Дводневна брада

Ова е моментално најпопуларен облик на брада и мустаќи, бидејќи не е во прашање вистинска брада, не го присилува мажот да се бричи секое утро, а сепак изгледа добро на речиси секое лице. Она што го покажува дводневната брада и мустаќите е дека тоа се мажи кои следат трендови.

Мустаќи

Само мустаќи скоро никогаш не биле идеален машки стил. Во седумдесеттите мустаќите без брада најчесто можеле да се видат во порнографските филмови. Тие се израз на бунт и покажуваат јасно дека мажот кој ги носи не се грижи што другите мислат за него.

Густа, но одржувана брада

Сè додека се одржува брадата изгледа добро на секој маж. Оние кои имаат густа брада сметаат дека е дел од нивниот идентитет. Силната брада се толкува како знак за мажественост, а мажите кои ја носат се полни со потајна самодоверба која не сакаат да ја искажуваат.

Дива брада

Овие денови „дивата“, неодржувана брада и мустаќи може да се видат кај студентите и славните личности. Во прашање е покажување на тестостеронот на дело, а правилото е колку повеќе, толку подобро. Дивата брада е израз на слобода и бунтовност.

Избричена брада

Трендовите во врска со брадата и мустаќи се менуваат отприлика на секои 20 години, така што целосно избричената брада наскоро повторно ќе се врати во тренд. Она што го покажува целосно избриченото лице е дека мажот не сака да се издвојува и сака класичен изглед.