Што е подобро: Тонирана крема или пудра?

Со појавата на разни видови пудри, креми, додатоци и многуте препораки кои се слушаат и од професионалните шминкери и од дерматолозите, често девојките не можат да се одлучат што е најдобро.

Поради навиката да се користи течната пудра за изедначување на тенот, некои тешко веруваат и се одлучуваат да користат тонирана крема.  

На кожата на лицето никогаш не ѝ е доволно влага, особено во преодните периоди од студено кон топло или од топло кон студено, поточно во есен и во пролет.

Наместо течната пудра дерматолозите препорачуваат BB крема (Blemish Balm – балсам за неправилности) која ја хидрира кожата и ја штити од UV зраците.

Оваа  крема може да ги покрие несовршеностите на вашата кожа исто како и течната пудра, но по бришењето на шминката, кожата останува во многу подобра и поздрава состојба, отколку кога користите течна пудра.

Она што е најважно, со тонираната крема изгледате посвежо и поприродно, како сосема малку да сте се исончале.

Ако не сакате лицето да ви свети со сјај како од премногу течна пудра, по нанесувањето на BB кремата нанесете транспарентна пудра во прав, која се прилагодува на тенот.

Кога нанесувате тонирана крема или пудра никогаш не заборавајте да нанесете и на вратот и на деколтето за да не ви се разликуваат од лицето.