8 начини како вазелинот може да ве направи поубави

Сите жени со задоволство ќе дадат еден куп пари на скапи производи за разубавување, без да се сетат или знаат, дека обичниот вазелин може да биде одлична замена.

Иако вазелинот секогаш се врзува со кожни проблеми и изгореници, тој може да се користи секојдневно, како производ за разубавување.

1. Помага за отстранување на вештачките трепки

Наместо да си ги уништувате своите трепки кога ги отстранувате вештачките, зашитете ги со слој вазелин. Пред да ги извадите, втријте малку од него на работ од капакот, почекајте неколку минути, а потоа внимателно одвојте ги.

2. Го олеснува ставањето на обетки

Ако не сте девојка или жена која секојдневно носи обетки, веројатно имате проблем кога ќе посакате да ги ставите. Немојте на сила да го обновувате зараснатото дупче, наместо тоа намачкајте ја иглата со вазелин, па така пробајте да ги ставите.

3. Користете го наместо хајлајтер

Ставете малку вазелин на внатрешниот агол од окото и на јаболкниците за да добиете ист, сјаен ефект.

4. Дефинирајте ги трепките без маскара

Наместо да ставете 10 слоја маскара за добро дефинирани трепки, со четка за веѓи размачкајте малку вазелин на нив. Така ќе ги направите визуелно подолги и со поголем волумен.

5. Смирете ги веѓите

На врвот на прстите размачкајте малку вазелин, па измазнете ги веѓите. Потоа исчеткајте ги со специјална четка и ќе останат во таа позиција цел ден.

6. Ја штити кожата додека се фарбате

Секоја жена која се фарба, знае колку е тешко бојата да не се пренесе на ушите и челото. За да не се мачите повеќе, пред фарбањето нанесете дебел слој вазелин на деловите кои најчесто ги валкате, па со марамче исчистете го вишокот боја.

7. Пилинг за усни

Помешајте 1 лажичка кафеав шеќер со иста количина вазелин и направите пилинг. Ако сакате пилинг за целото тело, наместо шеќер, ставете морска сол.

8. Визуелно ги прави нозете потенки

Ако сакате нозете визуелно да ги направите потенки, намачкајте ги со мала количина вазелин. Ако сакате да им дадете дополнителен сјај или потемна нијанса, помешајте го вазелинот со мала количина бронзер.