3 начини како да ја искористите водата во која го варите оризот

Наместо да ја фрлите водата во која сте го вареле оризот, како што обично и правите, овие неколку намени на оризовата вода дефинитивно ќе ве премислат.

Течноста може да ја сочувате во стаклени шишиња или тегли, па да ја користите на следниве 3 начини:

1. Тоник за лице

Земете едно памукче и натопете го во оризовата вода. Пребришете го целото лице или целото тело ако сакате. Овој природен тоник ќе ви ја затегне кожата, ќе го отстрани црвенилото и ќе и даде нежност и мекост.

2. Маска за коса

Сакате косата да ви свети? Само прелијте ја со оризовата вода и направете кратка масажа на скалпот. Ставете капа за туширање и оставете ја 20 минути. Потоа измијте со шампон како и вообичаено.

3. Третман против акни

Користете памук натопен во оризовата вода за да ги намалите акните. Ако го правите ова редовно, ќе се ослободите и од црвенилото кое го предизвикуваат.