Каков кармин за работа, а каков за секс?

Нашите усни комуницираат со секој што гледа во нив, и тоа многу пред воопшто да проговарат.

За таа цел, научете ги тајните на комуницирање без да изговорите ни збор. Без оглед на тоа дали ќе имате средба за секс, разговор за работа или, пак, сте пошле на забава, ви откриваме кој е карминот што е полн погодок сите три пригоди:

За работа

„Кармините во боја на кожата („nude“ нијанси) оставаат впечаток на сталоженост и влеваат доверба“, ни советува Леатрис Ајсман, извршен директор на Институтот за бои Pantone. Во потрага сте по креативно работно место? Бојата на црвено вино или слива оддаваат личност на која може да се потпрете – идеално за креативни работи.

Бонус трик: „Избегнувајте го грицкањето на усните во тек на разговорот за работа, бидејќи тоа може да значи дека сте нервозни“, тврди експертката за говор на тело Пати Вуд.

За забава

Смело носете циклама или силно розова боја на усните, бидејќи ќе ви помогне да стекнете нови пријателства. „Со овие бои, на сите им давате до знаење дека вашиот живот е една голема забава“, порачува експертката за бои Кејт Смит.

Бонус трик:  Смејте се, но од срце! „Од искрената насмевка веѓите се спуштаат и се создаваат мали брчкички околу очите“, вели Вуд. А, тоа повикува на комуникација.

За секс

„Истражувањата покажуваат дека жените со црвен кармин се доживуваат како поатрактивни и посамоуверени“, тврди Смит. Избегнувајте ги интензивните пигменти – нежната боја за усни е попрактична.

Бонус трик: Ако ве привлекува, оближете ги повремено усните. Имено, научно е докажано дека кога некој ви се допаѓа, устата произведува повеќе плунка. Оттука, оближувањето испраќа потсвесни сигнали.  

М. А. | Црнобело