Шминка за селфи: Како да изгледате убаво на фотките?

Ви ги откриваме 5-те клучни козметички производи, кои се најдобра алтернатива за фотошоп, а со нив нема да ви бидат неопходни долнителни филтери и ефекти.

Не ви е потребно многу шминка за убав изглед на фотографиите, туку само неколку добро избрани козметички производи, кои сигурно веќе и ги имате во вашиот несесер.

Ако знаете дека на одреден ден мошне често ќе се фотографирате, или, пак, сакате да си направите селфи за нова профилна фотка, тогаш поиграјте си со нив и нема да зажалите:

Коректор

Коректорот ќе ги прикрие подочниците, дамките на лицето и црвенилото, а може да го повлечете низ целото лице и размачкате со прстите. На тој начин ќе добиете фотошоп ефект на лицето,, без тешките слоеви пудра, кои понекогаш знаат да му додадат и неколку години плус на ликот,

Молив за усни

Не е важно за која нијанса се работи, ниту пак колкава е цената. Моливот убаво ќе ги нагласи вашите усни, со неколку вешти движења ќе ви помогне да ги коригирате малите неправилности, а и да им додадете волумен - нешта кои камерата ги обожува. Само, не претерувајте!

Камена или пудра во прав

Ако на сите фотографии сјаете како да имате светки на ликот, тогаш пудрата за матирање ви е и повеќе од потребна. Сепак, немојте да ја нанесувате на цело лице, затоа што во тој случај светлината нема да ви ги нагласи образите. Со транспарентна пудра или онаа во прав, внимателно поминете ја само Т-зоната.

Хајлајтер

Малку над јаболкниците, малку на носот, малку на внатрешниот дел од капакот – и суперѕвездата е родена!

Туш или моливче за очи

Веројатно сте ги забележале селфи фотките на ѕвездите, каде славните дами носат дебела црна линија исцртана со туш за очи. Класичниот мачкаст потег изгледа одлично, не само во живо, туку и на камера, па секако испробајте го и вие.

М. А. | Црнобело