Како да се заштитите од враснување на влакната на интимните делови?

При подготовките за лето и за плажа, неминовно е отстранувањето на влакната од телото, што секако, ги вклучува и препоните и интимата. Но, некогаш ова носи несакани последици.

Враснувањето се случува кога влакното не може да го најде патот за да избие низ кожата. Неретко, може да дојде до локално воспаление, црвенило, инфекција, па дури и болна циста. Меѓу причините зошто ова се случува е собирањето на мртви клетки во овој дел од телото.

Кога се во прашање мртви клетки, постои само едно ефикасно решение - пилингот.

По отстранувањето на влакната потребно е да се направи блага ексфолијација на бикини линијата. Можете да користите специјално наменето средство за тоа или пак да измиете со ракавица за ексфолијација. Потоа, продолжете со вообичаената нега.

Втор метод кој можете да го примените е сувото четкање. Всушност, оваа техника е една од најефикасните во борбата против поткожните влакненца на целото тело.

Потребно е само да си набавите мека четкичка, соодветна за бикини зоната и да четкате од препоните кон стомакот. Потоа измијте со млака вода и нанесете бебешка пудра.

Е. Д. | Црнобело