Најчестите грешки при отстранувањето на несаканите влакна

Не е тајна дека во текот на својот живот, жените трошат мало богатство за отстранување на несаканите влакна.

Уште полошо е кога и покрај целиот труд, нема да ги добиете посакуваните резултати. Влакната што се појавуваат после бричењето, остатоците од восок и црвенилото можат навистина да ве полудат.

Па, сигурно сакате да знаете како правилно да ги отстраните вашите влакна и да ги избегнете сите незгодни последици.

Грешките во продолжение се едни од најчестите при отстранувањето влакна, па најдобро е да ги избегнувате:

Одбирате погрешен метод на отстранување влакна

Иако денес постојат безброј методи за отстранување влакна, не се сите погодни за секого.

Важно е со секој метод да обрнете внимание на реакцијата на вашата кожа. Доколку забележите иритација, тоа е јасен знак дека тој метод не ви годи.

Пред да почнете со отстранување на влакната, нанесете малку од кремата за депилација, восокот или шеќерната паста, на мал дел од кожата. Почекајте околу 5 минути, и доколку нема чешање или каква било иритација, тогаш методот е добар за вас.

Се бричите додека се бањате со жешка вода

Доколку кожата е предолго изложена на пареа или жешка вода, таа потекува. Поради ова, влакната не се добро видливи и станува потешко целосно да ги отстраните. Во овој случај, најчесто остануваат влакна после бричење.

Најдобро е да се бричите после капење, откако ќе ѝ дадете време на кожата да се врати во нормала.

Неправилно ги отстранувате влакната

Кога ги отстранувате влакната со восок или шеќерна паста, од голема важност е насоката на отстранување.

Депилација со восок: Нанесете го восокот во насока на растење на влакната. Отстранувајте во спротивна насока.

Депилација со шеќерна паста: Нанесете ја пастата спротивно од насоката на растење на влакната. Отстранете ја пастата во насоката на растење на влакната.

Не правите пилинг

Пред депилација, најдобро е да направите пилинг на кожата. Со ова ќе ги отстраните мртвите клетки кожа и подобро ќе го видите коренот на влакната.

Само немојте да правите пилинг веднаш пред депилација. Најдобро е да го направите еден ден претходно. После пилингот, не заборавајте да нанесете крема или лосион.

Продолжува на следната страница...