Грешки во негата на лицето поради кои имате проширени пори

Премногу масти, мртви клетки, бактерии… постојат многу нешта што се причина за проширените пори на лицето.

Негата на лицето е важна, но понекогаш претеруваме со третманите и продуктите и си правиме повеќе штета отколку што си помагаме.

Проширените пори на лицето се проблем со кој се соочуваат многу жени, а ако и вие спаѓате овде, погледнете кои се најчестите причини за нивна појава:

Постојано ги отстранувате маснотиите од лицето

Во текот на денот, особено во лето, лицето се мрси повеќе од вообичаено, па сигурно често ги отстранувате маснотии од него.

Сепак, ако постојно го правите ова можете да си предизвикате проблем. Мастите се потребни за нашата кожа, па ако постојано ги отстранувате, можно е да почнат да се лачат почесто.

А, веќе знаете дека кога лицето е премногу мрсно, порите се затнуваат и се прошируваат.

Ги „стискате“ акните и митесерите

На кожата на лицето има многу бактерии, па кога ќе ја „стиснете“ акната, ќе направите рана и бактериите ќе влезат во неа.

Овие бактерии можат да предизвикаат воспаленија кои не само што ќе ги прошират порите, туку можат да остават и лузни.

Премногу ја ексфолирате кожата

Ексфолијацијата е одличен третман за останување мртви клетки и нечистотија од лицето, но не треба да претерувате ни со него.

Препорачливо е да не ја ексфолирате кожата повеќе од двапати неделно бидејќи можете да ја исушите, а со тоа порите на лицето ќе бидат повидливи.

Истовремено, не треба да го миете лицето повеќе од двапати дневно од истата причина.

Имате премногу сува кожа

Сувата кожа може да биде причина за појава на брчки, но и проширени пори.

За среќа, ова е проблем што лесно се решава – треба само да најдете добра навлажнувачка крема за лице.

Продолжува на следната страница...