8 работи на кои треба да обрнете внимание за да се нашминкате како експерт

Ако имате мали очи, немојте да ставате креон на внатрешниот дел од долниот капак – вака само ќе направите да изгледаат уште помали.

Со продуктите за шминкање што ни се достапни денес, лесно можеме да ја скриеме секоја несовршеност на лицето, а притоа да ги истакнеме карактеристиките што ни се допаѓаат.

Но, за да го постигнете посакуваниот ефект важно е и правилно да ги користите овие продукти.

Во продолжение неколку совети што ќе ви помогнат да станете експерт за шминкање:

Контурирајте го лицето според неговата форма

Целта на контурирањето е да истакне и прикрие одредени карактеристики на лицето. Затоа е важно да го контурирате вашето лице според вашата форма, а не само да следите туторијали.

При контурирање, важно е да знаете две работи – потемните нијанси визуелно намалуваат, а светлите го имаат спротивниот ефект.

Следејќи го ова, ако имате широк нос, можете да го направите визуелно помал ако ставите темна нијанса од неговите страни. Ако имате мал нос, не треба да го правите ова бидејќи ќе направите да изгледа уште помал.

Или, ако сакате да ги истакнете јаболкниците, на нив ставете посветла нијанса, а веднаш под нив малку потемна.

Можете визуелно да ги зголемите очите со креон

Креонот може да направи драстична разлика, но мора да имате предвид едно правило – колку помали ви се очите, толку потенка треба да биде линијата што ќе ја исцртате.

Тенката линија ќе направи окото да изгледа поголемо, додека дебелата го има спротивниот ефект.

Правилно нанесувајте го руменилото

Руменилото може да ви даде младешки изглед ако знаете како да го нанесете.

Најдобро е да нанесете малку на носот и на јаболкниците. Притоа внимавајте да користите нијанса која не е многу потемна од бојата на вашата кожа.

Исто важно е и добро да го размачкате, односно да не се познава контраст помеѓу руменилото и бојата на кожата.

Ако ги седите овие правила, руменилото нема ни да се познава, но сепак ќе го освежи вашето лице.

Не ставајте креон на внатрешниот дел од долниот капак на окото

Ако имате мали очи, немојте да ставате креон на внатрешниот дел од долниот капак на окото.

Со ова само ќе го направите уште помало.

Вежбајте го исцртувањето на усните

Многу девојки користат трикови во шминкањето за да ги направат усните визуелно поголеми.

За да го постигнете овој ефект, важно е да не ја менувате формата на устата премногу. И, секако, ќе треба да повежбате за да се усовршите.

Нема ништо лошо во вештачките трепки

Ако воопшто не сте задоволни од изгледот на вашите трепки, секогаш можете да ставите вештачки.

Можете да си купите трепки што се ставаат и вадат по потреба, а можете и да одите во салон каде што ќе ви стават трајни трепки кои траат и по неколку месеци.

Не претерувајте со боите

Дречливите сенки за очи можат да изгледаат одлично, но само ако не претерате.

Во овој случај најдобро е да се држите до една боја. Односно, наместо да ставите зелена, портокалова и жолта сенка, ќе изгледате многу подобро со неколку нијанси на само зелена или друга боја.

Користете кафеава сенка или гел за веѓи

Освен ако немате природно црни веѓи, секогаш е подобро да користите кафеава сенка, креон или гел за веѓи.

На овој начин ќе го постигнете посакуваниот ефект, а вашите веѓи ќе изгледаат природно.

Спирова С. | Црнобело