10 совети со кои ќе го подобрите изгледот на ноктите (а и маникирот ќе ви трае подолго)

Избегнувајте да користите кремови и масла на рацете пред да правите маникир и немојте дa одите во непроверени салони – на што друго треба да обрнете внимание за да ги заштитите ноктите и да им го подобрите изгледот?

Без разлика дали сами се грижите за вашите нокти или одите во салон, мора да обрнете внимание на некои работи.

Ако самите не ги негувате дланките и ноктите, ни најдобриот козметичар нема да може да ви помогне.

10 совети со кои ќе ги заштитите ноктите и ќе им го подобрите изгледот:

Не ставајте кремови и масла на рацете пред да правите маникир

Неколку часа, а подобро и цел ден пред да правите маникир, избегнувајте да ставате кремови и масла на рацете.

Ако областа околу ноктите е многу мрсна од овие продукти, може значително да го забави процесот на правење маникир.

Покрај тоа, на вашите нокти може да остане мал слој од продуктите. Поради овој слој, гелот, лакот или вештачкиот нокт можат да паднат многу брзо откако ќе ги ставите.

Не ги отстранувајте влакната на стапалата пред педикир

Отстранувањето на влакната со депилација предизвикува мала иритација на кожата и ја прави посклона кон инфекции.

Поради ова, избегнувајте да ги депилирате стапалата пред да правите педикир.

Дури и ако првите маникир во салон, не заборавајте на домашната нега

Козметичарите можат да ви направат совршен маникир, но важно е и вие да водите грижа за ноктите.

Препорачливо е сами да се грижите за кутикулите – еднаш неделно правете купка со топла вода и морска сол. Потоа нежно потиснете ги кон внатре со дрвено стапче за таа намена.

На овој начин значително ќе им ја олесните работата на козметичарите, а и вашиот маникир ќе изгледа многу подобро.

Важно е како ја поставувате дланката во УВ ламбата

Ако самите користите УВ ламба, мора да обрнете внимание на положбата на дланките.

Најпрво, ламбата треба да биде поставена на рамна површина. Покрај тоа, потрудете се зрачењето да биде еднакво врз сите нокти.

Во спротивно, гелот нема да се исуши како што треба, а ова значително ја намалува неговата трајност.

Бидете повнимателни ако имате долги нокти

Веројатно и самите сте свесни за ова, но вреди да се повтори.

Долгите нокти не се практични како кратките и секогаш постои ризик да ги скршите.

Затоа, што и да правите, користете ги врвовите, па и зглобовите на прстите, а не ноктите.

Продолжува на следната страница...