Дијабетес, анемија: Што откриваат прстите на стапалата за вашето здравје?

Ако прстите на стапалата постојано ви се студени, тоа може да биде знак за хипотироидизам, но и проблеми со срцето.

Состојбата на стапалата може да открие многу зa нашето здравје.

Одредени заболувања и состојби, како слаба циркулација, предизвикуваат симптоми дури и на нозете, па важно е да обрнувате внимание на промените.

Што откриваат прстите на стапалата за вашето здравје?

Рани што не заздравуваат

Ако на стапалата имате рани кои не заздравуваат, тогаш можно е да имате дијабетес.

Дијабетесот е хронична состојба кога телото не може да го регулира нивото на шеќер во крвта.

Зголеменото ниво на гликоза може да ги оштети крвните садови и нервите, а ова води до послаба циркулација и намалено чувство во стапалата.

Сите овие фактори имаат влијание врз заздравувањето на раните, а раните кои не заздравуваат го зголемуваат ризикот од инфекции и компликации.

Студени прсти на нозете

Кога е ладно, нормално е стапалата и дланките да ви бидат постудени.

Но, ако забележите дека прстите на стапалата ви се постојано студени, добро би било да се консултирате со лекар, особено ако имате и некои други симптоми.

Ова може да биде знак на хипотироидизам, проблем со срцето, како и артритис.

Кога е во прашање хипотироидизам, намалената активност на тироидната жлезда води до намален доток на крв до екстремитетите, па затоа ви се постудени.

И проблемите со срцето и артритисот имаат влијание врз циркулацијата, па може прстите на стапалата да ви бидат постудени.

Отечени палци

Ако палците на стапалата ви се особено големи, тогаш можеби имате гихт – вид артритис кој предизвикува ненадејна и силна болка.

Исто така и кожата може да биде жешка, отечена и црвена.

Овој вид артритис најчесто се појавува на палците на стапалата поради пониската температура во овој дел од телото.

Продолжува на следната страница...