4 лоши навики кои ја уништуваат косата

Сјајната и здрава коса е сон за секого. Иако со разни препарати за нега се обидуваме максимално да ја зачуваме косата, понекогаш несвесно ја уништуваме со секојдневните навики.

Ова се 4 најчести грешки кои ги правиме:

Миење на косата секој ден

Стручњаците истакнуваат дека косата е најубава кога природните масла од коренот ќе ги преземат влакната. Косата мијте ја секој втор или трет ден. Ако се разбудите со залижана коса, напрскајте ја со обична вода и лесно исушете ја со фен.

Врзување на косата со стегач постојано на исто место

Со врзување на косата во коњско опавче постојано на исто место се уништуваат многу влакна. Ако имате навика често да ја носите косата врзана, тогаш правете го тоа така што ќе го поместувате местото на врзување.

Занемарување на скалпот

За вашата коса да израсне како здрава и сјајна, на вашиот скалп му е потребна посебна нега. Со масирање на темето со врвовите на прстите го стимулирате протокот на крвта, а со препарати за нега на скалпот го зајакнувате коренот на косата.

Користење на погрешна четка за коса

Освен што ќе ја оштети, погрешната четка за коса може и да ја заплетка косата. Правилото гласи: колку подолга коса, толку поголема четка. За нагласување на волуменот користете тркалезна, а за порамнување, рамна четка.