Зошто треба да ги јадеме семките од лубеницата?

Како мали сите сме ги слушнале приказните дека треба да ги фрламе семките од лубеницата, затоа што ќе „ни никне“ лубеница во стомакот. Но, дали навистина може овие семки на каков било начин да ни наштетат?

Ако се следат податоците објавени на веб порталот Healthline семките од лубеница не само што не треба да ги фрламе, туку тие се и мошне здрави.

Освен што се нискокалорични, тие се богати со здрави хранливи состојки. Доколку не можете да ги голтате „живи“, можете да ги испечете и да добиете крцкаво мезе.

Семките од лубеница содржат магнезиум и железо, а се богати со монозаситени и полизаситени масти што го регулираат нивото на холестерол во крвта и ве штитат од срцев и мозочен удар.

Докторот Пол Касен, нутриционист и автор на книгата Eat Your Way To Wellness, минатата година на Твитер објави пост во кој ги информираше луѓето зошто не треба да ги плукаат семките од лубеницата.

?lang=en

Освен со овие состојки, семките од лубеницата се богати и со цинк што е неопходен за зајакнување на имунитетот. Цинкот е одличен и за дигестивниот и нервниот систем кај човекот, помага во растот на клетките и ги зајакнува сетилата за вкус и за мирис.

Како да испечете семки од лубеница:

Доколку сепак не можете да ги јадете „живи“ и ви пречат во вкусот на лубеницата, семките можете и да ги испечете. 

• Ја вклучувате рерната да се загрее на 160 степени Целзиусови.
• Семките ги ставате во плех обложен со хартија за печење. Отприлика би требало да се испечат за околу 15 минути. Но, доколку сакате тие да бидат еднакво крцкави, по отприлика 7-8 минути печење би требало да ги промешате.
• За подобар вкус можете да додадете малку маслиново масло и сол.

Б. С. Б. | Црнобело /фото: Freepik/Depositphotos