8 алтернативни начини да го искористите омекнувачот за облека (а да не е за перење)

Од чистење на дамките од дезодоранс на облеката, до вадење налепници од стаклото на автомобилот – омекнувачот за облека може да има и други примени во домот…

Омекнувачот за облека освен што се користи во перењето, може да се употребува и во домаќинството.

Со омекнувачот може да се исчистат прозорците и огледалата, да се отстранат дамките од дезодорансот од облеката, но и маснотиите од шпоретот.

Во продолжение прочитајте за што сè можете да го искористите омекнувачот за облека во домот:

Наместо освежувач во казанчето во тоалетот

Кога ќе ви се потрошат мирисливи топчиња или гелот за шолја, можете да ставите малку омекнувач за облека во казанчето во тоалетот.

Омекнувачот нема да го оштети самото казанче, а тоалетот ќе мириса пријатно откако ќе пуштите вода.

Исчистете ги загорените тави и тенџериња

Загорените тави и тенџериња се чистат тешко и најчесто треба да триете многу за да го извадите загорениот дел.

Наместо тоа, во тавата ставете една лажица омекнувач растворен во малку топла вода.

Оставете го да отстои преку ноќ, па миењето следното утро ќе ви биде многу полесно.

Ги чисти дамките од бигор

На вратите на туш кабината или на славината често се појавуваат дамки од бигор, кои прават чистата бања да делува валкано.

Иако постојат специјални средства за чистење што можете да ги користите за ова, омекнувачот е одлична алтернатива.

Растворете ½ чаша омекнувач во ½ чаша топла вода и испрскајте ја на површината. Исчистете ја со сунѓер и оставете го местото да се исуши.

Дамките ќе се избришат, а ќе го нема ни тешкиот мирис на средство за чистење во воздухот.

За чистење огледала и прозорци

Во шишенце со распрскувач ставете топла вода и 2 капачиња омекнувач за облека.

Со течноста испрскајте ги огледалата или прозорците и пребришете ги.

Прашината, дамките од вода и останатите дамки ќе се исчистат лесно.

Уште 4 совети на следната страница...