Работи што ги правите погрешно кога го чистите домот (и можат да бидат опасни)

Ги чистите тавите со жичка и користите чистач на пареа за тепихот – со овие грешки не само што нема да го исчистите домот како што треба, туку можат да бидат и опасни.

Чистењето е далеку од најзабавната активност, па сите сакаме да завршиме со оваа обврска што е можно побрзо.

Поради ова, правиме некои грешки мислејќи дека ќе исчистиме побрзо или поефикасно.

Грешки во чистењето кои треба да ги избегнувате:

Ги чистите тавите и тенџерињата со жичка

Жичката лесно ги вади тврдокорните дамки, но не заборавајте и дека ги гребе површините на тавите тенџерињата.

А, веројатно веќе знаете дека штом ќе изгребете тава, таа станува практично неупотреблива.

Ако во овие садови има тврдокорни дамки, подобро покиснете ги.

Ставате политура директно на мебелот

Политурата за дрвен мебел е навистина практична и ефикасна, но немојте да ја нанесувате директно на површините.

На овој начин може да остане слој од неа кој ќе стане леплив и ќе собира прашина.

Наместо тоа, нанесувајте ја политурата на крпата.

Користите избелувач за сè

Немојте да користите избелувач за чешмите во бањата бидејќи може да кородираат.

За овие делови од домот, користете средства за таа намена.

Избегнувајте го избелувачот за какви било метали, како и за површини од мермер.

Чистите со оцет

Оцетот може да биде одлично природно средство за чистење, но не е препорачлив за метали и не’рѓосувачки челик, како чешмите.

Немојте да го користите ни за камени површини, како мермер.

Користите ист приклучок од правосмукалката за сè

Поновите правосмукалки се продаваат со разни приклучоци и тоа со причина.

Некои од нив се погодни за ламинати и слично бидејќи не го гребат, а некои за теписи, бидејќи собираат и влакна.

Па, добро прочитајте го упатството од вашата правосмукалка.

Продолжува на следната страница...