Едноставни домаќински трикови што ќе ви бидат од корист

Употребете ракавица за да ја избришете прашината од предметите во домот. Кои други едноставни трикови ќе ви бидат од корист?

Иако денес постои средство, алат и слично за сè, некогаш ги немаме овие работи при рака.

Трикови што ќе ви се најдат во вакви ситуации:

Влажни марамчиња за отстранување дамки

Ако на облеката ви се истури нешто, како храна, веднаш избришете ја со влажно марамче.

Со ова значително ќе ја намалите дамката додека да стигнете дома, па и перењето ќе биде полесно.

Направете сами додаток за правосмукалка

Ако немате додатоци за правосмукалката за тесни простори, слободно импровизирајте.

За ова може да ви помогне картонот од ролна тоалетна хартија.

Треба само да го прицврстите едниот дел на цревото, а другиот малку да го свиткате, како на фотките подолу.

Исчистете ги решетките од аспираторот со масло

Чистењето на решетките од аспираторот не е воопшто лесно.

Но, ако употребите маслиново масло, ќе си го олесните процесот.

Ставете малку маслиново масло на памук и исчистете ги најтврдокорните дамки.

Потоа само поминете ги решетките со сунѓер со топла вода.

Ракавици за бришење прашина

Купете евтини ракавици и користете ги за бришење прашина од предмети, како вазни и украси.

Ова е многу полесен начин отколку со крпа.

Потоа само исперете ги ракавиците.

Отстранете ги гребаниците од ламинатот со тениско топче

Да нагласиме дека овој трик нема да функционира доколу станува збор за длабоки гребаници и големо оштетување на ламинатот.

Но, може да ги отстрани малите траги што ги остава мебелот.

Доволно е само да ги истриете со најобично тениско топче.

Едноставно чистење на блендерот

Ставете вода и малку средство за садови во блендерот и пуштете го неколку секунди.

Поради движењето, водата со сапуница ќе ги собере скоро сите нечистотии.

Потоа само исплакнете го.

Спирова С. | Црнобело